सोसल मिडिया
रुकुम पश्चिमको सदरमुकाम रहेकाे मुसिकोट नगरपालिका क्षेत्रमा आज सोमबार देखि अटो रिक्सा संचालन भएका छन् ।
मुसिकोट नगरपालिकाका प्रमुख महेन्द्र केसीले एक कार्यक्रमका बीच अटो रिक्सा सञ्चालनको उद्घाटन गर्नुभएपछि अटो रिक्सा सञ्चालन भएका हुन् । अटो रिक्सा सञ्चालनका लागि नगरपालिकाले अटो तथा इ–रिक्सा कार्यविधि निर्माण गरेको थियो ।
जसअनुसार विभिन्न रुटमा अटो रिक्सा संचालन गर्न अनुमति समेत दिइएको छ । नगरपालिकाले नगरक्षेत्रमा २४ वटा अटो रिक्सालाई संचालन अनुमति दिने दिने सूचना निकालेतापनि आज १९ वटा अटो मात्र सञ्चालनमा आएको नगरपालिकाले जनाएको छ ।
नगरपालिकाले बनाएको कार्यविधि अनुसार छिवाङ जिउला–सादनचौर–माछमी हुँदै खलंगासम्म, स्याउली बजार–सोलावाङ हुँदै खलंगासम्म र होल्तारा–झुल्खेत हुँदै खलंगासम्म अटो संचालन गर्न दिइने नगरपालिकाका प्रमुख महेन्द्र केसीले जानकारी दिनुभयो ।
त्यसैगरी घोरखानी–साँख हुँदै खलंगासम्म, पशुपती मावि रातामाटा हुँदै खलंगासम्म र खलंगा–सल्ले–शेरिगाउँ–पिपलनेटा–शितलपोखरी–मुसिकोटडाँडासम्म पनि अटो संचालन हुने नगरप्रमुख केसीले बताउनुभयो ।
मुसिकोटमा लामो समय देखि अटो संचालनको प्रयास भएपनि दुर्घटनाको जोखिम उच्च रहेको भन्दै सरकारले अनुमति दिएको थिएन् ।
यस्तो छ भाडादर :
