रुकुम पश्चिम जिल्लाको सानीभेरी गाउँपालिकाले विभिन्न कक्षाको बार्षिक परीक्षा शान्त मर्यादित व्यवस्थित गर्न केन्द्राध्यक्षहरुलाई एक दिने अभिमुखीकरण दिईएको छ ।

चैत ५ गते बिहान नौ बजेदेखि कक्षा ४, ५, ६, ७ र ९ को र कक्षा ८ को दिउँसो एक बजेदेखि परीक्षा सञ्चालन गर्नुपर्ने गाउँपालिकाले जानकारी दिएको छ।

बालविकास देखि ९ कक्षासम्मको सम्बन्धित विद्यालयमा परीक्षा गराउने र कक्षा ८ को भने पालिका भरि ९ वटा केन्द्र राखेर परीक्षा बनाउन थालिएको सानीभेरी गाउँपालिकामा रहेको शिक्षा युवा तथा खेलकुद शाखा प्रमुख भुपालसिं विष्टले जानकारी दिनुभएको छ ।

बुधबार सम्पन्न अभिमुखिकरणमा विद्यालयका प्रधानाध्यापक र केन्द्राध्यक्षलाई परीक्षा सम्बन्धि सञ्चालन ,व्यवस्थापन र मर्यादित बनाउन अहम् भूमिका खेल्न समेत निर्देशन दिईएको छ ।

अभिमुखीकरण कार्यक्रममा गाउँपालिका अध्यक्ष बिर्खबहादुर विष्ट उपाध्यक्ष कमला रोका पुन सामाजिक विकास संयोजक शेरबहादुर खड्का लगाएतको उपस्थिति रहेको थियो ।

अभिमुखीकरण कार्यक्रमको सहजीकरण शिक्षा युवा तथा खेलकुद शाखा प्रमुख भुपालसिं विष्ट, परीक्षा समिति संयोजक राधारमण झा र शिक्षा युवा तथा खेलकुद शाखा प्राविधिक सहायक प्रेमबहादुर विष्टले गर्नुभएको थियो ।