सोसल मिडिया
दैलेख / दैलेखमा अपाङ्गता भएकी महिलालाई बलात्कार गरेको कसुरमा एक जनालाई जन्मकैदको फैसला भएको छ ।
दैलेख जिल्ला अदालतले २३ वर्षीय अपाङ्गता भएकी एक महिलालाई बलात्कार गरेको कसुरमा गुराँस गाउँपालिका –३ सेरीवाडाका ३८ वर्षीय भद्रबहादुर बुढालाई जन्मकैद फैसला गरेको हो ।
सोमबार जिल्ला न्यायाधीश बलराम लम्सालको इजलासले जन्मकैद (२५ वर्ष), पीडितलाई एक लाख क्षतिपूर्ति र पीडित राहत कोषमा २८ सय रुपियाँ तिर्नुपर्ने फैसला गरेको हो ।
शारीरिक अपाङ्गता भएकी महिलालाई २०७८ असार ६ गते बलात्कार गरेको भन्दै पीडित पक्षले २०७८ असार ८ गते जिल्ला प्रहरी कार्यालय दैलेखमा उजुरी दिएका थिए ।
घटनाको अनुसन्धान सकेर जिल्ला सरकारी वकिल कार्यालयमार्फत गत साउन ३ गते दैलेख जिल्ला अदालतमा जबरजस्ती करणी मुद्दा दर्ता गरेको थियो ।
