रुकुम पश्चिममा सालनाल सहित मृत अवस्थामा फेला परेको एक शिशुको सनाखत हुन सकेको छैन ।

जिल्लाको आठबिसकोट नगरपालिका वडा नम्वर ११ चौरस्थित ठुलोभेरी किनारमा चैत २२ गते मृत अवस्थामा फेला परेको शिशुको सनाखत हुन नसकेको हो ।

इलाका प्रहरी कार्यालय आठबिसकोटका प्रहरी निरीक्षक बिक्रम सुवेदीका अनुसार पाँच दिन पहिले समयावधि नपुगेको अन्दाजी ७/८ महिनाको पुरुष जातको शिशुको शव वेवारिसे अवस्थामा फेला परेकाे थियो ।

प्रहरी निरीक्षक सुवेदीले मृतक शिशुको घटनास्थल लाशजाँच प्रकृति मुचुल्का सहितको प्रारम्भिक अनुसन्धान कार्य पुरा गरेर पोष्टमार्टमको लागी जिल्ला अस्पताल सल्लेको शवगृहमा राखिएको बताउनुभयो । उहाँले मृतक शिशुको आफन्ती फेला नपरेकोले सनाखत हुन नसकेको बताउनुभयो ।

घटनाको अनुसन्धान भैरहेको बताईएको छ ।