नेत्र विक्रम चन्द विप्लव नेतृत्वको नेकपाले गरेको बन्दका कारण देशका विभिन्न भागमा प्रभाव परेको छ । गएराती देखी नै विभिन्न स्थानमा बम भेटीएका छन् । काठमाडौंको कीर्तिपूर र जावलाखेलम सेनाको बम डिस्पोजल टोलीले बम निस्कृय पारेको छ ।

काभ्रेको बनेपा, धुलिखेल, र पनौतीमा पनि कुकर बम फेला परेको छ । बम नेपाली सेनाले बिहानै निस्क्रिय पारेको छ । झापा– भद्रपुरमा बम पनि मंगलबार बिहानै बम भेटिएको छ । झापाको भद्रपुरस्थित भद्रपुर नगरपालिकाको कार्यालयभित्र मेयरको कार्यकक्ष चढ्ने सिढीको तल कालो व्याग जस्तो शंकास्पद वस्तु फेला परेको थियो । उक्त शंकास्पद वस्तु नेपाली सेनाले निस्क्रिय गरेको छ ।

बझाङको जयपृथ्वी नगरपालिका वडा नं. ३ राजकोट पाण्डुपडेसको वडा कार्यालय भवनमा पनि बम भेटिएको छ । नेत्रविक्रम चन्द विप्लव समूहका लमजुङका सेक्रेटरी विनोद सोनाम कास्की पोखरा महानगरपालिका–४ सिद्धाचोकबाट गए राति पक्राउ परेका छन् ।

विप्लवका कार्यकर्ताले मन्थली बजार क्षेत्र नजिकै ग्यासको सिलिण्डर विस्फोट गरेका छन्। सोमबार राति २ बजे सिलिण्डरमा आगो लगाई विस्फोट गराएको प्रहरीले जनाएको छ।

अछाममा दुईवटा वडा कार्यालयमा आगजनि भएको छ। पञ्चदेवल विनायक नगरपालिका –३ को वडा कार्यालय र ढकारी गाउपालिका ५ को वडा कार्यालयमा आगजनी भएको हो। पञ्चदेवल विनायकमा आगजनिबाट कार्यालयमा रहेका  सामाग्रीहरु जलेर नस्ट भएका छन्।