सोसल मिडिया
इट्टाभट्टीको पोखरीमा पौडी खेल्दा तनहुँमा आज दुई बालकको मृत्यु भएको छ । मृत्यु हुनेमा म्याग्दे गाउँपालिका–२ जामुनेका ७ वर्षीय सुन्दर शाही र ४ वर्षीय किस्मत शाही रहेका छन् । दुवै भाई कृष्ण बहादुर शाहीका छोराहरु हुन् ।
विद्यालयबाट घर फर्किने क्रममा बाटो नजिकैको इट्टाभट्टीको पोखरीमा पौडी खेल्ने क्रममा डुबेर बालकको मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक लिलाराज लामिछानेले जानकारी दिए ।
तीन जना मिलेर पौडी खेल्ने क्रममा दुई जनाको डुबेर मृत्यु भएको र अर्का एक बालकको जिवितै उद्धार गरिएको प्रहरीले जनाएको छ ।
