सोसल मिडिया
रुकुम पश्चिममा आठ जनामा कोरोना संक्रमण देखा परेको छ ।
जिल्ला अस्पताल सल्लेमा गरिएको एन्टीजेन परिक्षणबाट आठ जनामा कोरोना पोजेटिभ देखाएको स्वास्थ्य सेवा कार्यालय रुकुम पश्चिमले जनाएको छ ।
स्वास्थ्य सेवा कार्यालयका सूचना अधिकारी कालिबहादुर ओलीका अनुसार वैशाख २६ गते यता कोभिड १९ को शंका लागेका बिरामीमा ल्याब टेष्ट गर्दा केहिमा पोजेटिभ रिजल्ट देखाएको हो ।
संक्रमित सबैजना होम आईशोलेशनमा रहेको बताईएको छ । संक्रमित हुनेहरुमा मुसिकोट नगरपालिकाका चार जना रहेका छन् भने आठबिसकोट नगरपालिका, त्रिवेणी गाउँपालिका र बाँफिकोट गाउँपालिकाका एक एक जना रहेका छन् । एक जना भने रुकुम पूर्वको सिस्ने गाउँपालिकाका रहेका छन् ।
अस्पतालमा आएका बिरामी मध्य शंका लागेका बिरामीलाई जाँच गर्दा कोरोना पोजेटिभ देखिएको हो । संक्रमित सबैजनाको स्वास्थ्य अवस्था सामान्य रहेको छ ।
परिक्षणको दायरा बढाएमा कोरोना संक्रमितहरुको संख्या बढ्न सक्ने बताईएको छ ।
