रुकुम पश्चिमको सानीभेरी गाउँपालिकामा गाउँपालिका स्तरिय बाल संजाल पुनर्गठन तथा बाल अधिकार संरक्षण सम्बन्धि १ दिने अभिमुखिकरण कार्यक्रम सम्पन्न भएको छ ।

साेमबार भएकाे कार्यक्रमबाट बाल सञ्जालको अध्यक्षमा हिरा कुसारी चयन हुनुभएको छ । १७ सदस्यीय पालिका स्तरीय बाल संजालको उपाध्यक्षमा बिशाल बि.क., सचिवमा अमृत के.सि., सहसचिवमा धर्म ओली र कोषाध्यक्षमा केशव नकाल रहनुभएको छ ।

बालविवाह, हिंसा, शोषण, दुर्व्यवहारबाट बालबालिकालाई सुरक्षित गराउने, बिद्यालय बाहिर रहेका बालबालिकाहरुलाई बिद्यालय सम्म पुर्याउन यो समितिले ठूलो मद्दत गर्ने सानीभेरी गाउँपालिका बाल अधिकार अधिकृत मानबिर ओलीले बताउनुभयो ।

सानीभेरी गाउँपालिकाको आयोजनामा भएको अभिमुखिकरण कार्यक्रममा सानीभेरी गाउँपालिका सामाजिक विकास समिति संयोजक तथा ९ नम्बर वडा अध्यक्ष शेर बहादुर खड्का, महिला तथा बालबालिका शाखा सानीभेरी गाउँपालिकाकी सहायक महिला विकास निरीक्षक लिला शर्माको उपस्थिति रहेको थियो । कार्यक्रमको सहजीकरण बाल अधिकार अधिकृत मानबिर ओलीले गर्नुभएको थियो ।

कार्यक्रममा गाउँपालिका भित्रका ११ वटै वडा वाट ४५ जना विद्यार्थीहरुको सहभागीता रहेको थियो ।