रुकुम पश्चिममा ७० वर्षिया एक बृद्धालाई बलात्कार गरेको आरोप लागेका पुरुष फरार रहेका छन् ।

जिल्लाको सानीभेरी गाउँपालिका –१ की ७० वर्षिया बृद्धालाई जबरजस्ती बलात्कार गरेको आरोप लागेका ५७ वर्षिय एक पुरुष फरार रहेको प्रहरीले जनाएको छ ।

जिल्ला प्रहरी कार्यालयका अनुसार फरार रहेका ती पुरुष माथी घरमै बसीरहेकी बृद्धालाई मदिरा सेवन गरेर जबरजस्ती करणी गरेको आरोप लागेको छ । जिल्ला प्रहरी कार्यालयका प्रहरी नायब उपरिक्षक नमराज भट्टराईका अनुसार बैशाख २५ गते मुद्धा दर्ता गरेर घटनाको अनुसन्धान थालिएको छ ।

बलात्कारको आरोप लागेका पुरुष फरार रहेको र खोजी कार्य तिब्र पारिएको उहाँले जानकारी दिनुभयो । आरोपी र पीडित बृद्धा बीच सानीआमा र भतिजाको नाता रहेको छ ।

प्राप्त जानकारी अनुसार गत वैशाख २३ गते घरमै बसीरहेकी बृद्धालाई जबरजस्ती करणी गरेको अवस्थामा पीडितकी बुहारीले फेला पारेकी थिईन । बुहारीले तत्कालै आफन्तलाई खबर गरेपछि आरोपी भागेका थिए ।