गैर सरकारी सस्था महासंघ नेपाल रुकुम पश्चिमको अध्यक्षमा भिमराज ओली चयन हुनुभएको छ ।

शनिबार रुकुम पश्चिमको जिल्ला सदरमुकाम मुसिकोटमा भएको गैर सरकारी सस्था महासंघ नेपाल रुकुम पश्चिमको १३ औं साधारण सभा तथा पाचौ जिल्ला अधिवेशनबाट ओलीको नेतृत्वमा नयाँ कार्यसमिति निर्विरोध चयन भएको हो ।

महासंघको जिल्ला उपाध्यक्षमा केशनकुमार क्षेत्रियाल, सचिवमा गोकर्ण खड्का, सह सचिवमा खिमा डाँगी र कोषाध्यक्षमा भिमबहादुर डाँगी चयन हुनुभएको छ ।

नव निर्वाचित कार्यसमितिको जिल्ला सदस्यहरुमा भिमबहादुर खड्का, रिता घर्ती, युनिसा परियार सीता, टेकबहादुर ओली, आशिष पुन, टोेपेन्द्र हमाल, मनिषा केसी र निवर्तमान अध्यक्ष नारायण कुमार शाह चयन हुनुभएको नव निर्वाचित अध्यक्ष भिमराज ओलीले जानकारी दिनुभयो ।

महासंघका जिल्ला अध्यक्ष नारायण कुमार शाहको अध्यक्षतामा भएको अधिवेशनमा महासंघका केन्द्रिय सचिव दिपेन्द्र प्रकाश डिसीको प्रमुख आथित्यता, जिल्ला समन्वय समिति रुकुम पश्चिमका प्रमुख लुम्बिनी गौतमको बिशेष आथित्यता र प्रमुख जिल्ला अधिकारी हरि प्रसाद पन्तको आथित्यता रहेको थियो ।