सोसल मिडिया
रुकुम पश्चिमको मुसिकोट नगरपालिका १३ को पोखरी पातल सामुदायीक वनमा आगलागी हुँदा पूर्ण रुपमा क्षति भएको छ ।
बुधबार दिउँसो भएको आगलागीको कारण सामुदायीक वनमा क्षति भएको हो । बिहान ११ बजेबाट उक्त वनमा आगो लागेको थियो ।
आगलानी नियन्त्रणको लागि मुसिकोट नगरपालिका वडा नम्वर १२ को कार्यालयले विभिन्न निकायसँग समन्वय गरेको वडा अध्यक्ष धिरन सिर्पालीले जानकारी दिनुभयो । उहाँका अनुसार वडा कार्यालयले विपद व्यवस्थापनको लागि वन डिभिजन कार्यालय र प्रहरी कार्यालयसँग समन्वय गरेर आगलागी नियन्त्रणमा लिईएको हो ।
आगलागी नियन्त्रणमा वन कार्यालयका कर्मचारी, प्रहरी चौकी सोलावाङ र प्रहरी चौकी छिवाङको टोलीले घटनास्थलमा खटिएको थियो । दिनभरको प्रयासपछि आगो नियन्त्रणमा आएकाे बताईएको छ ।
समयमै घटनास्थलमा पुगेको कारण वन क्षेत्रमा ठुलो क्षति हुनबाट जोगाउन सफल भएको वडा अध्यक्ष सिर्पालीले बताउनुभयो । वडाको समन्वयको कारण पोखरीपातल वनसँगै सिमाना जोडिएको मुसिकोट १२ को हात्तीसार वन आगलागी हुनबाट जोगिएको छ । गत वर्ष भने उक्त क्षेत्रमा आगलागी भएको थियो ।
वडा अध्यक्ष सिर्पालीले जथाभावी वन क्षेत्रमा आगलागी नलगाउन र वन क्षेत्र जोगाउन उपभोक्ताहरु पनि सक्रिय हुन अनुरोध गर्नुभयो ।
