सोसल मिडिया
जाजरकोटको भेरी नगरपालिका -१३ कुदुमा दुई बालकको मृत्यु भएको छ ।
शुक्रबार कुदु गाउँमा रहेको पानी पोखरीमा डुबेर दुई जना बालकको मृत्यु भएको हो ।
पोखरीमा डुबेर मृत्यु हुनेमा नेकपा एमाले जाजरकोटका उपसचिव तथा जिल्ला खेलकुद विकाश समिती जाजरकोटका अध्यक्ष नर बहादुर बस्नेतका ८ वर्षिय छोरा पाण्डव बस्नेत र सोही वडा निवासी टिकाराम बस्नेतका ९ वर्षिय छोरा प्रमोद बस्नेत रहेको प्रहरीले जनाएको छ ।
गर्मीको कारण गाउँमा रहेको पोखरीमा पौडि खेल्ने गएका उनीहरु डुबेर मृत्यु भएको आफन्तजनले जनाएका छन् ।
दुवै बालक विद्यालयमा पढेर घर आई खाजा खाएर पौडी खेल्न गएका र सोही क्रममा डुवेर निधन भएको हो । सो पोखरी खानेपानी तथा सिंचाइका लागि निर्माण गरिएको थियो ।
