सोसल मिडिया
रुकुम पश्चिम । रुकुम पश्चिमको त्रिवेणी गाउँपालिकामा किवानिस अन्तर्राष्ट्रिय क्लबको शाखा स्थापना गरिएको छ ।
शुक्रबार गाउँपालिकाको वडा नम्बर ३ झुल्नेटा बजारमा किवानिस अन्तर्राष्ट्रिय क्लबको शाखा स्थापना गरिएको हो । शाखाको त्रिवेणी गाउँपालिका अध्यक्ष गणेशकुमार केसीले गर्नुभएको छ ।
त्रिवेणी गाउँपालिका वडा नम्बर ३ मा रहेका युवाहरूले काम गर्ने गरी किवानिस अन्तर्राष्ट्रिय क्लबको शाखा स्थापना गरिएको क्लबका उपाध्यक्ष कृष्णबहादुर ओलीले बताउनुभयो । उहाँका अनुसार क्लबले पालिका भित्र रहेका बालबालिको क्षेत्रमा काम गर्ने छ ।
हालसम्म नेपाल सहित विश्वका ८० देशमा क्लबको शाखा विस्तार गरी बालबालिकाको क्षेत्रमा काम गर्दै आएको उहाँको भनाई छ ।
क्लबको मुख्य उदेश्य नै बालबालिकालाई जीवन जीउनको लागि चाहिने आधारभुत ज्ञान, सीप र क्षमताको वृद्धि विकास गर्नु भएकाले क्लबले समस्यामा परेका बालबालिकालाई सहयोग पुग्ने उपाध्यक्ष ओलीले बताउनुभयो ।
क्लबका अध्यक्ष बिरबहादुर ओलीको अध्यक्षतामा भएको उद्घाटन कार्यक्रम त्रिवेणी गाउँपालिका अध्यक्ष गणेशकुमार केसीको प्रमुख आतिथ्यता रहेको थियो ।
त्यस्तै ३ नम्बर वडा अध्यक्ष दिपेन्द्रकुमार ओली, वडा नम्वर ३ का पूर्व वडा अध्यक्ष मोहन ओली लगाएत क्लबका पदाधिकारीको उपस्थित रहेको थियो । कार्यक्रमको संचालन क्लबका सचिव बिर्ख बहादुर केसीले गर्नुभएको थियो ।
