सोसल मिडिया
रुकुम पश्चिम । १७ वर्षपछि रुकुम पश्चिमको जिल्ला सदरमुकाम मुसिकोटमा कानको निशुल्क शल्यक्रिया शिविर सम्पन्न गरिएको छ ।
मुसिकोट नगरपालिका –१ सल्लेमा ६ दिनसम्म भएको कानको निःशुल्क शल्यक्रिया शिविरमा ५३ जनाको शल्यक्रिया गरिएको ।
नेपाल नेत्रज्योती संघ जिल्ला शाखा रुकुमपश्चिम तथा आँखा उपचार केन्द्रको आयोजनामा भएको शिविरबाट कानको जाली फुटेकाहरुको शल्यक्रिया गरिएको हो । आँखा उपचार केन्द्र सल्लेका इन्चार्ज धनबहादुर केसीका अनुसार कानको जाली प्वाल परेका व्यक्तिहरुको शिविरमा निःशुल्क शल्यक्रिया गरिएको हो ।
शल्यक्रिया शिविरलाई लक्षित गरेर यसअघि जिल्लाका विभिन्न ठाउँमा कान स्वास्थ्य शिविर सञ्चालन गरिएको थियो । सोहि शिविरबाट पहिचान भएका व्यक्तिहरुका लागि अप्रेशन शिविर संचालन गरिएको ईन्चार्ज केसीले बताउनुभयो ।
शिविरमा ५३ जनाले कानको अप्रेशन गरिएको छ भने कान सुख्खा नभएका बाँकी ८९ जनालाई नेपालगञ्ज रेफर गरिएको इन्चार्ज केसीले बताउनुभयो । अप्रेशनका लागि कान सुख्खा हुनुपर्नेमा नभएकालाई रेफर गरिएको हो । त्यस्तै शिविरबाट अप्रेशन बाहेक परामर्श सेवाका साथै औषधी वितरण गरिएको छ ।
शिविरमा नाक कान घाँटी रोग विशेषज्ञ डा. रवि स्वार र डा. शिव रेग्मी सहित १७ जनाको स्वास्थ्यकर्मीको टोली खटिएको थियो ।
नेपाल नेत्रज्योती संघ, एकीकृत आँखा तथा कान स्वास्थ्य कार्यक्रम कर्णाली प्रदेश सुर्खेतको आर्थिक सहयोग, बि.एन. (ब्रिटेन नेपाल) सामुदायिक कान उपचार सेवा सिद्धार्थ अस्पताल नेपालगञ्ज बाँकेको प्राविधिक सहयोग, मुसीकोट नगरपालिका र स्वास्थ्य सेवा कार्यालयको समन्वयमा शिविर सञ्चालन भएको हो ।
