यसबर्षको प्रेस काउन्सिल नेपाल गोपालदास पत्रकारिता पुरस्कारबाट हाँक साप्ताहिकका प्रकाशक गोविन्दबहादुर थापालाई पुरस्कृत गरिएको छ । प्रेस काउन्सिल नेपालको स्वर्ण महोत्सवका अवसरमा आजा थापा सहित २५ जना पत्रकारलाई विभिन्न पुरस्कारबाट पुरस्कृत गरिएको हो ।

थापालाई १ लाख ५१ हजार नगदसहित सम्मान गरिएको हो । काउन्सिलको यसबर्षको सुरेन्द्रबहादुर बस्नेत पत्रकारिता पुरस्कारबाट नेपाल पत्रकार महासंघका पुर्व अध्यक्ष डा. सुरेश आचार्यलाई पुरस्कृत गरिएको छ । पुरस्कारको राशि एकलाख ५ हजार रहेको छ । ५० हजार राशिको प्रेस काउन्सिल आचारसंहिता पुरस्कार नेपालगन्जबाट प्रकाशित हुने दैनिक नेपालगञ्जलाई प्रदान गरिएको छ ।

यस्तै भाषागत पत्रकारिता पुरस्कारबाट मोहम्मद हसन मिया, साहित्यीक पत्रकारिता पुरस्कारबाट अन्र्तबोध साहित्यीक त्रैमासिक लाई पुरस्कृत गरिएको छ । प्रेस काउन्सिल क्रियाशिल पत्रकारिता पुरस्कारबाट यसबर्ष नेपालभुषण न्यौपाने, शिबबहादुर कार्की, सितारामप्रसाद बर्मा कट्टेल, यज्ञप्रसाद शर्मा, हरि जोशि, बालकृष्णप्रसाद, शंकर कार्की, बिष्णुप्रसाद शर्मा र विश्वमणि सुवेदीलाई पुरस्कृत गरिएको छ ।

यस्तै प्रेस काउन्सिल युवा पत्रकारिता पुरस्कारबाट मीना तिवारी, अजयदिप शर्मा, अमर खड्का, डिलाराम भुषाल, करुण अर्याल, विधान श्रेष्ठ, निलिफा सुब्बा, मन्जिमा ढकाल, सोमबहादुर थापा र रिंकु मिश्र गायत्रीलाई पुरस्कृत गरिएको छ । प्रेस काउन्सिल बर्ष कर्मचारी पुरस्कारबाट सविता बाँनिया र हर्कबहाुर श्रेष्ठ पुरस्कृत भएका छन् । कर्मचारी प्रोत्साहन पुरस्कार विपुल पाण्डेलाई प्रदान गरिएको छ ।