सोसल मिडिया
रुकुम पश्चिम । नेकपा एमाले रुकुम पश्चिमले एक हजार ८६ जना संगठित पार्टी सदस्यलाई सपथ खुवाउने भएको छ ।
बुधबार मुसिकोट नगरपालिकाकाे बागबजारस्थित पार्टी कार्यालमा बसेको १० औ जिल्ला कमिटी बैठकले उक्त निर्णय गरेको हो ।
नेकपा एमालेका सचिव लेखराज भट्टको प्रमुख आथित्यतामा बसेको बैठकले पार्टीमा संगठित नयाँ सदस्यहरुलाई सपथ खुवाउने र पुरानाहरु संगठित सदस्यहरुको सदस्यता नविकरण गर्ने निर्णय गरेको कार्यालय सचिव भिमराज ओलीले जानकारी दिनुभयो ।
बैठकमा प्रशिक्षण मुलक छोटो मन्तव्य राख्नुभएका सचिव भट्टले नेपालका कम्युनिष्टहरु एक हुनुपर्ने र त्यसको नेतृत्व एमालेले गर्ने बताउनुभयो । नेकपा एमालेले रुकुममा सुरु गरेको मिसन ग्रासरुट कार्यक्रमको क्रममा एक हजार ८६ जनाले पार्टीको संगठित सदस्यता लिएका थिए । ति नयाँ सदस्यहरुलाई सम्बन्धि पालिकामै कार्यक्रम आयोजना गरेर सपथ खुवाईने बताईएको छ ।
असार १६ गतेदेखि २२ गतेसम्म जिल्लाका ६ वटै पालिकामा कार्यक्रम आयोजना गर्ने र सोहि अवसरमा सपथ खुवाउने कार्यक्रम तय गरिएको कार्यालय सचिव ओलीले जानकारी दिनुभयो ।
जिल्ला अध्यक्ष नन्दराम देवकोटाको अध्यक्षतामा बसेको बैठकमा नेकपा एमालेका पोलिटव्युरो सदस्य एवम् रुकुम ईन्चार्ज गुलाबजंग शाह, बाँके ईन्चार्ज खेममान खड्का लगायतको आतिथ्यता रहेको थियो । बैठकको सञ्चालन पार्टी जिल्ला सचिव शशिराम नेपालीले गर्नुभएको थियो ।
