सोसल मिडिया
रुकुम पश्चिम । रुकुम पश्चिमका विभिन्न स्थानहरुमा करिब नौ सय विरुवा रोपिएको छ ।
राष्ट्रिय वृक्षारोपण दिवस २०८० को अवसरमा डिभिजन वन कार्यालय रुकुम पश्चिमले बिहिवार जिल्लाका विभिन्न स्थानहरुमा ८७१ विरुवा रोपिएको जानकारी दिएको छ ।
डिभिजन वन कार्यालयको आयोजनामा जिल्लाका विभिन्न आठ स्थानमा वृक्षारोपण कार्यक्रम आयोजना गरेर विरुवा रोपिएको कार्यालय प्रमुख शेरबहादुर परियारले जानकारी दिनुभयो ।
उहाँका अनुसार मुसिकोट नगरपालिका ५ को सेरीगाउँ देखि मुसिकोट नगरपालिका ३ को पिपलनेटा जाने सडकछेउमा ४७० विरुवा रोपिएको छ । मध्यपहाडि राजमार्ग अन्तर्गतको उक्त क्षेत्रमा कपुर, बेल, गोल्मोहर, कल्की, सिसौ, तेजपात, छतिवन प्रजातिका बिरुवा रोपिएको हो ।
त्यसैगरी त्रिभुवन जनता मावि खलंगामा २० वटा, त्रिवेणी गाउँपालिका १० गैरीखेतामा २० वटा, त्रिवेणी डाँडा मुरुडाँडाको विद्यालय परिसरमा २२० वटा र चौरजहारी नगरपालिका १० शहिद पार्कमा २५ वटा विरुवा रोपिएको छ ।
चौरजहारी नगरपालिका ११ सर्किना टाटा बजारमा २५ वटा, बाँफिकोट गाउँपालिकाको छिनखेतस्थित विद्यालय परिसरमा ५० वटा र मुसिकोट नगरपालिका ७ स्थित रिनदह परिसरमा ४१ वटा विभिन्न प्रजातीका विरुवाहरु रोपिएको डिभिजन वन कार्यालयले जनाएको छ ।
