मलाई लागेछ यो कस्तो बानी, निदाउँन सक्दिन
नराखि तिम्रो तस्बिर सिरानी, निदाउँन सक्दिन .....

गजलकार प्रेम संगमको शब्द सिर्जना रहेको गजल गित निदाउँन सक्दिन बजारमा आएको छ ।

रुकुम पश्चिमको चौरजहारी नगरपालिका १४ निवासी प्रेम बहादुर घर्ती (प्रेम संगम) को गजल गित सिडि विजय अधिकारी युटुब च्यानल मार्फत सोमबार सार्वजनिक गरिएको हो । 

प्रेम सम्बन्धमा आधारित उक्त गजल गितमा विजय अधिकारीको स्वर तथा संगीत रहेको छ । राजु कार्कीले एरेन्ज गरेको उक्त गितमा निक्स शर्मा र आभा थापाको अभिनय रहेको छ । 

दिन्सन शाहको सम्पादन रहेको उक्त गजल गितको निर्देशन सन्तोष राज बयकले गर्नुभएको हो । 

शब्द रचनाकार प्रेम संगम रुकुम पश्चिमको त्रिवेणी गाउँपालिकाको प्रमुख प्रशासकिय अधिकृत पदमा कार्यरत हुनुहुन्छ ।