सोसल मिडिया
रुकुम पश्चिम । रुकुम पश्चिममा ज्यान मार्ने उद्योग मुद्धामा फरार रहेका एक जना प्रतिवादीलाई प्रहरीले पक्राउ गरेको छ ।
जिल्लाको त्रिवेणी गाउँपालिका ४ खुम्चेरी बस्ने २७ वर्षिय बिक्रम बाँठा मगरलाई प्रहरीले पक्राउ गरेको हो ।
जिल्ला प्रहरी कार्यालयका सूचना अधिकारी प्रहरी निरीक्षक धर्मेन्द्र खड्काका अनुसार मंगलबार दिउँसो मुसिकोट नगरपालिका १ खलंगामा लुकिछिपी रहेको अवस्थामा बाँठा मगरलाई पक्राउ गरिएको हो ।
ज्यान मार्ने उद्योगको मुद्धा लागेका उनीलाई अदालतले ११ महिना कैद र १० हजार जरिवाना तोकेको थियो ।
पक्राउ परेका बाँठा मगरलाई कैद सजाय र जरिवाना असुल उपरको लागि रुकुम जिल्ला अदालतमा बुझाईएको प्रहरी निरीक्षक खड्काले बताउनुभयो ।
