रुकुम पश्चिमकाे चौरजहारी नगरपालिका वडा नम्वर ७ का घर भएका अन्दाजी ३९ वर्षिय प्रेम प्रसाद जैसीको पहिरोमा परेर मृत्यु भएको छ । 

रोजगारीको सिलसिलामा भारत जानुभएका उहाँको हिमाचल प्रदेशकाे रोहुडु भन्ने ठाउँमा गएको पहिरोमा परेर आईतबार मृत्यु भएको हो । 

चौरजहारी नगरपालिकाका प्रवक्ता खुम बहादुर खड्काले दिनुभएको जानकारी अनुसार उहाँ एक हप्ता अघिमात्र घरबाट रोजगारीको खोजीमा भारत जानुभएको थियो । उहाँको घरमा श्रीमतीको साथमा एक छोरा र एक छोरी रहेका छन् । 

मृतक जैसी चौरजहारी नगरपालिका वडा नम्वर ७ का वडा अध्यक्ष भिम प्रसाद जैसीका माईला भाई हुनुहुन्छ ।