सोसल मिडिया
रुकुम पश्चिमको चौरजहारी नगरपालिका १४ का युवाहरुको सक्रियतामा यहाँको अवरुद्ध बाटो सुचारु भएको छ ।
बर्षाको कारण आएको पहिरोले अवरुद्ध भएको चौरजहारी नगरपालिका वडा नम्वर १४ को पाथीहाल्नाको सडक स्थानीय युवाहरुको सक्रियतामा निर्माण भएको हो ।
यहाँको करिब एक किलोमिटर सडक मर्मत भएपछि अवरुद्ध भएको सडक खुलेको छ । स्थानीय युवाहरु गणेश कुमार विष्ट, कृण्णाबहादुर विष्ट, तेजबहादुर विष्ट, कमल विष्ट र मानसिं बि.क. लगायतको सक्रियता र पहलमा बाटो मर्मत भएको हो ।
बाटो निर्माणमा सक्रिय रहनुभएका गणेश कुमार बिष्टले बर्षाको बेला सधै सास्ती बेहोर्नु पर्ने अवस्था रहेकोले गाउँकै युवाहरु मिलेर स्वतस्फूर्त रुपमा बाटो बनाएको बताउनुभयो । अरुको मुख ताक्दा समयमै काम नहुने भएपछि युवाहरु आफै बाटो बनाउन कस्सिएको उहाँको भनाई रहेको छ ।
अहिले पुरानापानी सडकमा भएको पहिरो, हिलो हटाउनुका साथै खाल्डाहरु पुरिएको छ । सडकमा सवारी साधनहरु चल्न छोडेपछि बाटो बनाउन पहल गरिएको हो ।
सडक मर्मत गरिएपछि अहिले झुल्नेटा नुवाकोट तिमीले जोगिनेटा जुम्लीपोखरी कोटजहारी हुँदै चौरजहारी जाने बाटो सुचारु भएको छ ।
