काठमाडौं ।  रुकुम पश्चिम घर भई काठमाडौंमा कार्यरत राष्ट्रसेवक कर्मचारीहरू संगठित भएका छन् । 

शनिबार कर्मचरीहरुको एक भेलाले पुर्ण बहादुर ओलीको संयोजकत्वमा 'काठमाडौं - रुकुम राष्ट्रसेवक समन्वय समिति' गठन गरेको छ । 

१७ सदस्यीय उक्त समितिको सह संयोजकमा नरबिर खड्का र रमिता यादव ओली रहनु भएको छ । 

समितिले काठमाडौंमा कार्यरत रुकुम स्थायी घर भएका कर्मचारीहरु बिच एकता, हक हितका साथै रुकुम पश्चिमको विकासका लागि काम गर्ने बताईएको छ । 

पूर्व अर्थमन्त्री एवम् प्रतिनिधि सभा सदस्य जनार्दन शर्मा, कर्णाली प्रदेशका मुख्यमन्त्री राज कुमार शर्मा, ने.क.पा. (माओवादी केन्द्र) का कर्णाली प्रदेश अध्यक्ष बिमला के.सी. लगायतको उपस्थितमा उक्त भेला सम्पन्न भएको हो।