सोसल मिडिया
रुकुम पश्चिम । रुकुम पश्चिमको चौरजहारी नगरपालिका -१ की एक बालिका भेरि नदिमा बेपत्ता भएकीछिन् ।
चौरजहारी नगरपालिका -१ नरखोली टोलकी १० बर्षिया बालिका महिमा बादी सोमबार दिउँसो स्थानीय कुनाबगर भन्ने ठाउँबाट बेपत्ता भएकी हुन् ।
जिल्ला प्रहरी कार्यालय रुकुम पश्चिमका प्रहरी नायब उपरिक्षक नमराज भट्टराईका अनुसार उनी आफ्नी १८ वर्षिया दिदि सरिना बादीको साथमा नदिले बगाएर ल्याएको दाउरा तथा काठ निकाल्ने गएकी थिईन् । सोहि क्रममा उनीलाई भेरीले बगाएर बेपत्ता बनाएको प्रहरीको भनाई रहेको छ ।
बालिकाका बुवा झलक बादीले उक्त सूचना दिए पश्चात ईलाका प्रहरी कार्यालय चौरजहारीबाट प्रहरी टोली घटनास्थल पुगेको थियो ।
स्थानीयवासी र प्रहरीको टोलीले बेपत्ता बालिकाको खोजीकार्य गरिरहेको प्रहरीको भनाई रहेको छ ।
