रुकुम पश्चिमका एक युवाको मलेसियामा मृत्यु भएको छ । जिल्लाको त्रिवेणी गाउँपालिका वडा नम्वर ७ निवासी २६ वर्षिय भरत कुमार ओलीको मृत्यु भएको हो ।

मृतक ओलीका काका अमर ओलीका अनुसार मलेसियाको सेलाङगर स्थित बान्तिङ भन्ने स्थानमा  रहेको कोठामै झुण्डिएको अवस्थामा उहाँको शव फेला परेको खबर प्राप्त भएको छ । बुधबार बिहान उहाँको मृत्यु भएको हो । 

उहाँ एनडी पेपर मलेसिया सेलाङगर एसडीएन बिएचडीमा कार्यरत हुनुहुन्थ्यो । उहाँ केहि दिनदेखि डिउटीमा नभएको बताईएको छ । 

भरतको शवलाई स्थानीय प्रहरीले मुचुल्का उठाई स्थानीय केलाङ अस्पतालमा पोष्टमार्टमको लागि शव राखिएको छ ।