सोसल मिडिया
रुकुम पश्चिम । रुकुम पश्चिमको त्रिवेणी गाउँपालिका घर भई रोजगारीको लागि मलेसिया गएको बेला ज्यान गुमाउनुभएका एक युवाको परिवारलाई सहयोग हस्तान्तरण गरिएको छ ।
त्रिवेणी गाउँपालिका वडा नम्वर ७ का २६ वर्षिय भरत कुमार ओलीको परिवारलाई आज घरमै पुगेर सहयोग रकम हस्तान्तरण गरिएको हो ।
परिवारको आर्थिक अवस्था अत्यन्त कमजोर रहेको भन्दै स्थानीय केहि अभियान्ताहरुले भरतको लास व्यवस्थापनका लागि सहयोग संकलन अभियान सञ्चालन गर्नुभएको थियो । अभियान्ता त्रिवेणी गाउँपालिका ७ निवासी महेश ओलीका अनुसार आज मृतक ओलीको परिवारलाई चार लाख ५९ हजार चार सय रुपिँया हस्तान्तरण गरिएको हो । साउन १८ गतेदेखि २० गते बिहानसम्म भरतको शव व्यवस्थापनका लागि सहयोग अभियान चलाईएको थियो ।
अभियानमा महेशसँगै स्थानीय राजु डाँगी, यामप्रसााद डाँगी, कलिभान ओली, पल बहादुर केसी र त्रिवेणी गाउँपालिका वडा नम्वर १० का पदमप्रकाश खत्री रहनु भएको थियो । वडा अध्यक्ष धनबहादुर खड्काको उपस्थितिमा सहयोग हस्तान्तरण गरिएको हो ।
साउन १७ गते भरतको मलेसियाको सेलाङगरस्थित बान्तिङ भन्ने स्थानमा रहेको कोठामा मृत्यु भएको थियो । रोजगारीको लागि मलेसिया जानुभएका भरतको एक महिना नपुग्दै मलेसियामा झुण्डिएर मृत्यु भएको बताईएको छ । उहाँ एनडी पेपर मलेसिया सेलाङगर एसडीएन बिएचडीमा कार्यरत हुनुहुन्थ्यो ।
मलेसिया पुगेको एक महिना नपुग्दै रुकुमका एक युवाको मृत्यु
