सोसल मिडिया
रुकुम पश्चिम । रुकुम पश्चिमको त्रिवेणी गाउँपालिका वडा नम्वर ९ को माझगाउँ टोलमा शुद्ध पीउने पानीका लागि फिल्टर र सरसफाईका लागि साबुन वितरण गरिएको छ ।
पोषणमैत्री टोल निर्माणको लागि छनोट गरिएको माझँगाउ टोलमा सुनौलो हजार दिनका आमा, दिदी, बहिनीहरुलाई उक्त सामाग्रीहरु वितरण गरिएको वडा सदस्य सन्तोष ओलीले जानकारी दिनुभयो ।
उहाँका अनुसार टोलमा २५ जना महिलाहरुलाई ती सामाग्रीहरु उपलब्ध गराईएको हो । त्रिवेणी गाउँपालिकाको सहयोगमा पोषणमैत्री टोल घोषणा कार्यक्रम अन्तर्गत उक्त सामाग्रीहरु उपलब्ध गराईएको हो ।
सामाग्री वितरण कार्यक्रममा वडा अध्यक्ष हरिबहादुर खड्का, वडा सदस्यहरु सन्तोष ओली र झुपलाल खड्का, त्रिवेणी गाउँपालिका स्वास्थ्य शाखाका बिरबहादुर डाँगी लगायतको उपस्थिति रहेको थियो ।
