सोसल मिडिया
रुकुम पश्चिम । १७ वर्षको उमेरमा घाँटिमा क्यान्सर भएका रुकुम पश्चिमको सानीभेरी गाउँपालिका वडा नम्वर ८ निवासी जनक ओलीको उपचारको लागि आर्थिक सहयोग प्रदान गरिएको छ ।
ओलीको उपचारमा आर्थिक समस्या भएपछि विभिन्न व्यक्तिहरुले गर्नुभएको सहयोग आज पत्रकार महासंघ रुकुम पश्चिमका अध्यक्ष लक्ष्मण केसीले बिरामीको आमालाई हस्तान्तरण गरिएको हो ।
जनकको उपचारको लागि सहयोग संकलन अभियान चलाउनुभएका सानीभेरी गाउँपालिका ८ घर भई हाल जापानमा रहनुभएका नवराज केसीले बिरामी ओलीको आमा पवित्रा ओलीलाई ६० हजार रुपिँया हस्तान्तरण गरिएको जानकारी दिनुभयो ।
बिरामी ओलीको घाँटिमा क्यान्सर भएको गत फागुनमा मात्र पत्ता लागेको थियो । हिमालय मावि खोलागाउँमा बालि विज्ञान संकाय पढ्दै गरेका जनकलाई हाल उपचारमा आर्थिक समस्या परेको छ ।
जनककी आमा पवित्राका अनुसार छोराको उपचारको लागि घरको जायजेथा बेचेर हालसम्म करिब १६ लाख खर्च भैसकेको छ । जनकलाई अहिले घरमै राखिएको छ ।
संहयोग संकलन अभियान्ता केसीले सामाजिक सञ्जाल मार्फत सहयोगको लागि अनुरोध गरिएकोमा विभिन्न सहयोगी दाताहरुले उक्त रकम उपलब्ध गराएको बताउनुभयो ।
आज हस्तान्तरण गरिएको रकम विभिन्न व्यक्तिहरुले आफूले सहयोगका लागि आह्वान गरेको बैंक खातामा जम्मा गरेकोले र पत्रकार महासंघका अध्यक्ष लक्ष्मण केसी मार्फत बिरामीको आमालई दिईएको अभियान्ता केसीले उल्लेख गर्नुभयो । क्यान्सरपीपिडत जनकको उपचारमा सहयोग गर्न परिवारले अपिल गरेको छ ।
