सोसल मिडिया
रुकुम पश्चिम। कर्तव्य ज्यान मुद्धाका फरार एक प्रतिवादी २३ वर्षपछि पक्राउ परेका छन् ।
जिल्ला प्रहरी कार्यालय रुकुम पश्चिमले कर्तव्य ज्यान मुद्धाका फरार प्रतिवादी रुकुम पश्चिमको मुसिकोट नगरपालिका वडा नम्वर ७ साँख घर भई हाल घोराही उपमहानगरपालिका वडा नम्बर १६ लेटार बस्ने ४२ बर्षिय हरिशचन्द्र पाण्डेलाई पक्राउ गरेको हो ।
पाण्डेलाई रुकुम पश्चिमबाट खटिएको प्रहरी टोलीले जिल्ला प्रहरी कार्यालय दाङको सहयोगमा पक्राउ गरेको हो । जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक बिष्णु कुमार श्रेष्ठका अनुसार घोराही १६ लेटारमा लुकिछिपि बसेको अवस्थामा पाण्डेलाई आइतबार पक्राउ गरिएको हो । उनलाई कर्तव्य ज्यान मुद्धामा सर्वोच्च अदालत काठमाडौले २०५७ साल साउन ६ गते ८ बर्ष ७ महिना कैद सजाय फैसला गरेको थियो । त्यसयता फरार रहेका पाण्डेलाई पक्राउ गरिएको हो ।
फरार प्रतिवादीहरु पक्राउ गर्ने क्रममा पाण्डेलाई पक्राउ गरिएको हो ।
