सोसल मिडिया
रुकुम पश्चिम / रुकुम पश्चिममा रहेको भ्यालि पब्लिक स्कुलका प्रिन्सीपल र संचालकलाई प्रहरीले पक्राउ गरेको छ ।
चौजहारी नगरपालिका १ मा सञ्चालित निजि बिद्यालय भ्याली पब्लिक स्कुलका प्रिन्सीपल पुष्पा भाट र संचालक युडेन भण्डारीलाई आईतबार प्रहरीले पक्राउ गरेको हो ।
जिल्ला प्रहरी कार्यालयका प्रहरी निरीक्षक धर्मेन्द्र खड्काका अनुसार सोहि बिद्यालयको कक्षा ८ मा अध्ययनरत १३ वर्षिया छात्रा सृष्टि गौतमको आत्महत्या दुरुत्साहन मुद्धामा उहाँहरुलाई पक्राउ गरिएको हो ।
शुक्रबार छात्रा गौतमलाई बिद्यालयमा प्रिन्सीपल भाटले सञ्चालक भण्डारीको संलग्नतामा निर्धात कुटपिट गरेपछि घर आएकी छात्राले बिद्यालय पोशाकमै झुण्डिएर आत्महत्या गरेको पीडित परिवारको भनाई रहेको छ ।
बिद्यार्थीको पढाई लेखाई भन्दा पनि घरायसी साथसंगतको कारण बिद्यालयमा बालिका माथि प्रिन्सीपलले निरन्तर यातना र तनाब दिएपछि ज्यान गुमाउन बाध्य पारिएको आरोप मृतक बालिकाका आफन्तजनको रहेको छ । यस बिषयमा प्रहरीले अनुसन्धान सुरु गरेको जनाएको छ ।
