सोसल मिडिया
रुकुम पश्चिम । रुकुम पश्चिममा सामुदायिक वन फडानी गरेको आरोपमा एक जना पक्राउ परेका छन् ।
चौरजहारी नगरपालिका वडा नम्वर ११ का ५१ वर्षिय दिल बहादुर शाहलाई डिभिजन वन कार्यालय रुकुम पश्चिमबाट खटिएर गएको टोलीले शुक्रबार पक्राउ परेको हो ।
पक्राउ परेका शाहलाई जिल्ला प्रहरी कार्यालय रुकुम पश्चिमको हिरासतमा राखेर अनुसन्धान सुरु गरिएको डिभिजन वन कार्यालयले जनाएको छ ।
उहाँ बिरुद्ध चौरजहारी नगरपालिका वडा नम्वर ११ स्थित जनकल्याण सामुदायिक वन भित्र प्रचलित कानून विपरित रुख फडानी गरेको आरोप रहेको छ ।
उक्त वन फडानी कार्यमा संलग्न अन्य तीन जना भने फरार रहेको डिभिजन वन कार्यालय रुकुम पश्चिमका निमित्त प्रमुख शेर बहादुर परियारले जानकारी दिनुभयो । फरार तीनै जनाको खोजी कार्य भईरहेको बताईएको छ ।
उहाँहरु बिरुद्ध जनकल्याण सामुदायिक वन उपभोक्ता समितिका अध्यक्ष शान्त बहादुर शाहले समितिलाई जानकारी नै नदिई सामुदायिक वन क्षेत्रका ३१ वटा रुखहरु काटिएको भन्दै चौफा सव डिभिजन कार्यालयमा उजुरी दिनुभएको थियो ।
चौरजहारी नगरपालिका वडा नम्वर ११ को टाटाबाट सर्केना हुँदै जोगिनेटासम्म बिद्युत लाईन बिस्तार गर्ने क्रममा केहि रुखहरु काटिएको बताईएको छ ।
