सोसल मिडिया
रुकुम पश्चिम । रुकुम पश्चिम चौरजहारी नगरपालिका वडा नम्बर १४ बिकटियामा चट्याङ लागेर दुई जना घाइते भएका छन ।
शनिबार दिउँसो ३ बजेतिर परेको चट्याङले स्थानीय ६३ बर्षिय बिर बहादुर पुन र ३२ बर्षिय तिलक ओली घाइते हुनुभएको हो । घर निर्माणको काम गर्दै गरेको अवस्थामा उहाँहरुलाई चट्याङ लागेको हो ।
चट्याङले ओलीको टाउकोमा चोट लागेको छ भने पुन अचेत अवस्थामा रहेको बताइएको छ ।
घाइतेहरुलाई उपचारको लागि अस्पताल लैजान चौरजहारी नगरपालिकाले घटनास्थलतर्फ एम्बुलेन्स पठाएको नगर प्रमुख पुष्प बादिले जानकारी दिनुभयो ।
