सोसल मिडिया
रुकुम पश्चिम । रुकुम पश्चिमको आठविसकोटमा एक बाख्राले दुई मुख भएको पाठी जन्माएको छ ।
आठविसकोट नगरपालिका -१४ का भिमबहादुर मल्लले पालेको बाख्राले शुक्रबार बिहान दुई वटा मुख भएको पाठी पाएको हो ।
स्थानीय सुनिल कुमार मल्लका अनुसार मल्लको घरमा पालिएको बाख्राले दुईमुखे पाठी पाएको हो । पाठीको अवस्था अहिले सामान्य भएको र शरिर भन्दा टाउको ठुलो रहेको बताईएको छ । पाठीले दुवै मुखले दुध चुसिरहेको छ ।
गाउँमा नयाँ घटना भएको भन्दै गाउँवासीहरु चकित परेका छन् । उक्त पाठी हेर्नको लागि भिमबहादुर मल्लको घरमा दिनभर स्थानीयको भिड समेत लागेको थियो ।
