सोसल मिडिया
रुकुम पश्चिम । “मानसिक स्वास्थ्य : सबैको अधिकार“ भन्ने नाराका साथ रुकुम पश्चिममा पनि ३१ औँ विश्व मानसिक स्वास्थ्य दिवस मनाईएको छ ।
सो अवसरमा जिल्लाको मुसिकोट नगरपालिका वडा नम्वर ६ स्थित बाल कल्याण माध्यमिक विद्यालय झुल्खेतमा माध्यमिक बिद्यालय स्तरिय वक्तृत्वकला प्रतियोगिता सम्पन्न गरिएको छ ।
मंगलबार मानसिक स्वास्थ्य प्रवद्र्धनमा हाम्रो भुमिका विषयक बक्तृत्वकला प्रतियोगिता सम्पन्न गरिएको हो । मुसिकोट नगरपालिका र मानसिक स्वास्थ्य तथा परामर्श केन्द्र (सी.एम.सी) नेपालको साझेदारीमा संचालित कर्णाली मानसिक स्वास्थ्य कार्यक्रम अन्तर्गत उक्त प्रतियोगिता आयोजना गरिएको हो ।
प्रतियोगितामा दुई वटा बिद्यालयका १० जना बिद्यार्थीहरु प्रतियोगिको रुपमा सहभागी रहेको सी.एम.सी. नेपालका मनोसामाजिक मनोपरामर्शकर्ता डिलबहादुर शाहीले जानकारी दिनुभयो । प्रतियोगितामा मुसिकोट नगरपालिका ७ स्थित जनजागृति माध्यमिक बिद्यालय र मुसिकोट नगरपालिका ६ को बाल कल्याण माध्यमिक विद्यालयका बिद्यार्थीहरुले भाग लिएका थिए ।
यो दिवस विश्वका १५० भन्दा बढी देशहरुमा एक साथ मनाउने गरेको छ । मानसिक स्वास्थ्य र समस्या र सेवाको बारेमा जानकारी दिने र यो दिवसको औचित्यको विषयका बारेमा जानकारी गराउने उद्धेश्यले दिवस मनाईएको सी.एम.सी नेपालका मनोसामाजिक मनोपरामर्शकर्ता शाहीले बाउनुभयो ।
बाल कल्याण माध्यमिक विद्यालयका अभिभावक संघका अध्यक्ष गम्बरसिंङ बोहरा अध्यक्षतामा भएको उक्त कार्यक्रमको प्रमुख अतिथिको रुपमा मुसिकोट वडा नम्वर ६ का वडा अध्यक्ष भानु मल्ल रहनुभएको थियो ।
कार्यक्रममा उक्त बिद्यालयका प्रधानाध्याक गोविन्द बहादुर ओली, सी.एम.सी नेपालका मनोसामाजिक मनोपरामर्शकर्ता डिलबहादुर शाही, शिक्षक तथा बिद्यार्थीहरु गरेर करिब २७५ को सहभागिता रहेको बताईएको छ । कार्यक्रमको संचालन बिद्यालयका शिक्षक टोपबहादुर हमालले गर्नुभएको थियो ।
