सोसल मिडिया
रुकुम पश्चिम । अनेरास्ववियू (क्रान्तिकारी) रुकुम पश्चिमको अध्यक्षमा निराजन केसी निर्वाचित हुनुभएको छ । मुसिकोटमा शुक्रवार र शनिवार चलेको २७ औँ जिल्ला सम्मेलनबाट ३३ सदस्यीय नयाँ जिल्ला कमिटी चयन भएको हो ।
नव निर्वाचित कमिटीमा अध्यक्ष पदका लागि चुनाव भएको थियो भने अन्य पदाधिकारी र सदस्यहरु निर्विरोध निर्वाचित भएका हुन् । चौरजहारी नगरपालिका १० निवासी निराजन केसीले अध्यक्षका उम्मेदवार बिशाल बिष्ट र खुमराज ओलीलाई पराजित गर्दै पराजित गर्दै जित हात पार्नुभएको हो ।
केसीले १६ मत पाउँदा विष्टले १२ मत र ओलीले ५ मत पाउनु भएको निर्वाचन समितिका संयोजक अमरराज शाहीले जानकारी दिनुभयो । उहाँका अनुसार नव निर्वाचित कमितीको उपाध्यक्षमा किरण विश्वकर्मा र दीपेन्द्र ओली, सचिवमा दुर्गाप्रसाद बि.क., सह सचिवमा पूजा बि.क. र प्रकाश डाँगी तथा कोषाध्यक्षमा विजया पुन मगर निर्विरोध निर्वाचित हुनुभएको छ ।
कमिटीको सदस्यहरुमा त्रिवेणी गाउँपालिकाका प्रेमा सिर्पाली, तारा खड्का, कुमार डाँगी र निर्मला डाँगी चयन हुनुभएको छ भने आठविसकोट नगरपालिकाका दिपक केसी, निराजन ओली, देविका खत्री र टेकबहादुर खत्री निर्वाचित हुनुभएको छ । त्यसैगरी चौरजहारी नगरपालिकाका अनुशा पुन मगर, महेश ओली, शुष्मा पोखरेल र डिल्ली बस्याल, बाँफिकोट गाउँपालिकाका किशोर जैसी, प्रेङका घर्तीमगर, किरण मल्ल र दर्शना ओली जिल्ला कमिटि सदस्यमा निर्वाचित हुनुभएको छ । यसैगरी जिल्ला कमिटि सदस्यहरुमा सानीभेरी गाउँपालिकाका कमल बिष्ट, अपार रसाईली, बिरभान भण्डारी, हिरा कुसारी र कमला बुढाथोकी, मुसिकोट नगरपालिकाका शुसान्त बिक, रमा बाँठा मगर र प्रकाश डाँगी निर्वाचित हुनुभएको छ । अध्यक्ष पदका उम्मेदवार बिशाल बिष्ट र खुमराज ओली पनि सदस्य पदमा रहनुभएको छ ।
