रुकुम पश्चिम । रुकुम पश्चिमको मुसिकोट नगरपालिका ३ मा अटो दुर्घटना हुँदा सात जना घाईते भएका छन् । 

आईतबार मुसिकोट खलंगाबाट छिवाङतर्फ जाँदै गरेको रा १ ह ६९५२ नम्वरको अटो दुर्घटना हुँदा भूमि आयोग रुकुम पश्चिमका बिज्ञ सदस्य शुसिल बिष्ट सहित सात जना घाईते भएको जिल्ला प्रहरी कार्यालय रुकुम पश्चिमले जानकारी दिएको छ । 

जिल्ला प्रहरी कार्यालयका सूचना अधिकारी प्रहरी निरीक्षक धर्मेन्द्र खड्काका अनुसार दुर्घटनामा परी घाईते हुनुभएका मुसिकोट नगरपालिका १४ निवासी बिज्ञ सदस्य बिष्टको आँखा, टाउको र घुँडामा चोट लागेको छ ।

अन्य घाईतेहुनेहरुमा मुसिकोट नगरपालिका १ का ५० वर्षिय एक्क बहादुर बुढा र २८ वर्षिय राम बहादुर ददेल, मुसिकोट नगरपालिका ५ का ४८ बर्षिय चन्द्र बहादुर बोहरा, मुसिकोट नगरपालिका १४ का बिशाल बिष्ट र कपिल बिष्ट र रुकुम पूर्वको भूमे गाउँपालिका ५ का दिलिप बिक रहेका छन् ।

घाईते मध्य विज्ञ सदस्य बिष्ट र उहाँका भाई कपिल बिष्टलाई थप उपचारको लागि काठमाडौं रिफर गरिएको छ । अन्य घाइतेहरुको जिल्ला अस्पताल सल्लेमा उपचार भईरहेको छ । अटो अनियन्त्रित भई दुर्घटना भएको बताईएको छ ।