सोसल मिडिया
रुकुम पश्चिम । बाँकेको नेपालगञ्जमा व्यवसाय गरिरहनुभएका दुई जनाले रुकुम पश्चिममा रहेका भूकम्प पीडितहरुको लागि राहत सामाग्री प्रदान गर्नुभएको छ ।
असद ईन्टर प्राईजेजका सञ्चालक चाँद बाबु अन्सारी र राप्ती चुडि पसलका सञ्चालक जमानुद्धिन अन्सारीेले राहत सामाग्री सहयोग गर्नुभएको हो ।
उहाँहरुले नेपालगंजबाट पठाएको राहत सामाग्री रुकुम पश्चिमको चौरजहारी नगरपालिकामा पठाईएको छ । विपद्को बेला पीडितको दुखमा साथ दिन सहयोग गरिएको उहाँहरुको भनाई छ ।
चौरजहारी उद्योग वाणिज्य संघका पूर्व अध्यक्ष तेजबहादुर बिष्टले नेपालगञ्जबाट पठाएको राहत सामाग्री चौरजहारी आईपुगेको बताउनुभयो । उहाँले उक्त सामाग्री चौरजहारी नगरपालिकामा हस्तान्तरण गरिने जानकारी दिनुभयो ।
व्यवसायीद्वय अन्सारीले १६ बोरी चामल, ३० बोतल तेल, २५ पेटि वाईवाई चाउचाउ, ३२ किलो चिउरा, ४० प्याकेट भुजा सहितको सामाग्री सहयोग गर्नुभएको हो ।
