सोसल मिडिया
रुकुम पुर्व । नेपाल राष्ट्रिय कर्मचारी संगठन (नेराकसं) निजामती रुकुम पूर्वले जाजरकोट र रुकुम पश्चिमका भूकम्प प्रभावितहरुको सहयोगार्थ ५० हजार एक सय रुपैयाँ सहयोग गरेको छ ।
संगठनले भुकम्प प्रभावितहरुको लागि जिल्ला विपद् व्यवस्थापन समितिलाई आर्थिक सहयोग हस्तान्तरण गरेको हो ।
संगठनका अध्यक्ष दिनेश ओलीका अनुसार रुकुम पूर्वमा रहेर नेराकसंमा आवद्ध कर्मचारीहरुले स्वेच्छिक रुपमा दिएको रकम हस्तान्तरण गरिएको हो ।
गत शुक्रबार राति जाजरकोटको रामीडाँडा केन्द्रविन्दु भएर गएको भूकम्पमा परी जाजरकोट र रुकुम पश्चिममा १५७ जनाको मृत्यु भएको थियो ।
सयौ जना घाईते भएका छन् भने भूकम्पका कारण जाजरकोट र रुकुम पश्चिममा भौतिक संरचनाहरु ध्वस्त भएका छन् ।
