सोसल मिडिया
सल्यान । सल्यान वनगाड कुपिण्डे नगरपालिकाले जाजरकोट र रुकुम पश्चिमका भूकम्प पीडितहरुलाई राहत सामाग्री सहयोग गरेको छ । भूकम्पमा परी ठुलो जनधनको क्षतिको सामना गरेका पीडित परिवारलाई राहत सहयोग गरेको हो ।
कात्तिक १७ गते मध्यरातमा जाजरकोटको रामिडाँडा केन्द्रविन्दु बनाई ६.४ रेक्टरको भुकम्पमा परेर मानवीय तथा भौतिक क्षतिको सामना गरिरहेको जाजरकोट जिल्लाको भेरी नगरपालिका र नलगाड नगरपालिकाको लागि ४३ वटा बलाङ्केट र १२ काट्नु तत्काल आवश्यक पर्ने औषधि सहयोग हस्तान्तरण गरिएको छ ।
रुकुम पश्चिमको आठविसकोट नगरपालिकामा १८ वटा बलाङ्केट ६ काटुन औषधि सहयोग हस्तान्तरण गरिएको नगर प्रमुख कर्ण बहादुर बुढाथोकीले बताउनु भएको छ । साथै सानीभेरी गाउँपालिकामा २० बोरी चामल सहयोग गरिएको उप प्रमुख पुरुषोत्तम आचार्यले जानकारी दिनु भएको छ ।
छिमेकी जिल्ला विपत्तिमा परेको बेला केही सानो भएपनी सहयोग गरेको नगरपालिका जनाएको छ । नगरपालिका दुई वटा एम्बुलेन्स स्वास्थ्यकर्मी र स्कारपियो समेत उद्धारको लागि सहयोग गरेको थियो ।
राहत सहयोग लिएर नगर प्रमुख कर्ण बहादुर बुढाथोकी, उप प्रमुख पुरुषोत्तम आचार्य, ६ नम्वर वडा अध्यक्ष गणेश विसि भुकम्प पीडित क्षेत्रमा गएर मृतक परिवार र घाइतेहरुको भेटघाट समेत गर्नु भएको थियो ।
