सोसल मिडिया
रुकुम पश्चिम । भूकम्पबाट प्रभावित रुकुम पश्चिमको आठविसकोट नगरपालिका र सानीभेरी गाउँपालिकामा गुड नेवर्स इन्टरनेसनल काठमाडौले राहत सामाग्री प्रदान गरेको छ ।
बुधबार आठविसकोट नगरपालिका र सानीभेरी गाउँपालिकामा पुगेर गुड नेवर्स इन्टरनेसनलका कार्यक्रम व्यवस्थापक शंकर सुवेदीसहितको टोलीले राहत सामाग्री प्रदान गरेको छ ।
आठविसकोट नगरपालिकाका २०० घरधुरीलाई प्रतिघर २५ किलो चामल, ३ सय किलो दाल, २ लिटर तेल, १ किलो नुन र स्वच्छता सामाग्री प्रतिघर १ थानको दरले उपलब्ध गराएको गैर सरकारी संस्था महासंघ रुकुम पश्चिमका अध्यक्ष भिमराज ओलीले जानकारी दिनुभयो ।
त्यसैगरी सानीभेरी गाउँपालिकाका ३०० घर भूकम्प प्रभावित परिवारहरुको लागि राहत उपलब्ध गराईएको छ । यहाँपनि प्रतिघर परिवार २५ किलो चामल, ३ सय किलो दाल, २ लिटर तेल, १ किलो नुन र स्वच्छता सामाग्री प्रतिघर १ थानको दरले उपलब्ध गराएको छ ।
स्वच्छता सामाग्रीमा नुहाउने र लुगा धुने साबुन, सेनेटरी प्याड, ब्रस, मञ्जन, रुमाल लगायतका सामाग्री रहेका छन् । सानीभेरी गाउँपालिकामा १४७ वटा त्रिपाल समेत उपलब्ध गराईएको छ ।
