सोसल मिडिया
रुकुम पश्चिम । रुकुम पश्चिमस्थित जिल्ला कारागार कार्यालयमा रहेका कैदीबन्दीहरुले कारागारमै भाईटिका लगाएका छन् ।
कारागार प्रशासनका अनुसार बुधबार कैदीबन्दीहरुका आफन्तजनहरु आएर टिका लगाउनुका साथै विभिन्न परिकारहरुसँगै खाएर तिहार मनाउनुभएकाे हाे ।
अधिकांशका आफन्तजनहरु कारागार आउनुभएको र तिहारको लागि बनाएका विभिन्न परिकारहरु कैदीबन्दीहरुसँगै खाएर रमाउनुभएको थियो ।
टिका लगाउन र आफन्त भेटघाटको लागि भाईटिकाको अवसरमा बिहान ९ बजेदेखि बेलुका ४ः३० बजेसम्म समय निर्धारण गरिएको थियो । त्यस बिचमा कैदीबन्दीका आफन्तजनहरु आएर टिका लगाउनुभएको थियो ।
हाल रुकुम पश्चिमस्थित कारागार कार्यालयमा १४६ जना कैदीबन्दीहरु रहनुभएकाे छ।
