सोसल मिडिया
रुकुम पश्चिम । भूकम्प पीडितहरुको लागि यहाँका एक जना वडा अध्यक्षले एक लाख रुपियाँ सहयोग गर्नुभएको छ ।
चौरजहारी नगरपालिका वडा नम्वर ७ का वडा अध्यक्ष भिमप्रसाद जैसीले भूकम्प पीडितहरुको भन्दै व्यक्तिगत रूपमा एक लाख सहयोग गर्नुभएको हो ।
चौरजहारी नगरपालिकाका निमित्त प्रमुख प्रशासकीय अधिकृत शेरप्रसाद ढकालका अनुसार वडा अध्यक्ष जैसीले चौरजहारी नगरपालिकामा रहेको प्रकोप व्यवस्थापन कोषको खाता एक लाख रकम जम्मा गर्नुभएको हो । मनकारी वडा अध्यक्ष जैसीलाई स्थानीय सरकारको तर्फबाट धन्यबाद व्यक्त गरिएको छ ।
भूकम्पको कारण पीडित तथा प्रभावित भएकाहरुलाई राहत, पुनर्निर्माण लगायतका काममा सहयोग पुगोस भनेर आफूले सकेको सहयोग गरेको वडाअध्यक्ष जैसीले बताउनुभयो । सबैको ससानो सहयोगबाट विपद्को सामना गर्न सकिने उहाँको बुझाई छ ।
