सोसल मिडिया
रुकुम पश्चिम । मुसिकोट नगरपालिका वडा नम्वर ७ साँख स्थित हाम्रो सरोकार रुकुमले गाउँमा स्टेचर र स्थानीय विद्यालयमा मात्रामा फर्निचर सहयोग गरेको छ । हाम्रो सरोकारले १० वटा स्टेचर र १५ सेट फर्निचर हस्तान्तरण गरेको हो ।
सरोकारका अध्यक्ष रिजन पाण्डेका अनुसार वडा नम्वर ७ को आठ वटा टोलमा एक एक वटा, साँख प्रहरी पोष्टमा एक वटा र वडा नम्वर ८ घोरखानीस्थित तीन बहिनी युवा क्लबलाई एक वटा गरेर १० वटा स्टेचर उपलब्ध गराईएको हो ।
त्यसैगरी वडा नम्वर ७ मा रहेको जन जागृति माध्यमिक बिद्यालयमा १५ सेट फर्निचर हस्तान्तरण गरिएको अध्यक्ष पाण्डेले बताउनुभयो । उहाँका अनुसार उक्त बिद्यालयमा ११ कक्षाको पढाई हालै सुरु गरेकोले भौतिक सामाग्री अभाव हुन नदिन फर्निचर उपलब्ध गराईएको हो ।
बिद्यालयमा निमित्त प्रधानाध्यापक खड्क बहादुर डिसीलाई उक्त सामाग्री हस्तान्तरण गरिएको हो । निमित्त प्रधानाध्यापक डिसीले स्थानीय युवाहरुको सकारात्मक कार्यको प्रशंसा गर्नुभयो ।
समाज रुपान्तरण गर्नको लागि “गुनासो छौडौ, समाजको लागि केही गरौ” भन्ने मुल बोकेको हाम्रो समाजले बैदशिक रोजगारीमा रहनुभएका साँखका विभिन्न युवाहरुको सहयोगमा उक्त सामाग्री जुटाईएको हो ।
बैदशिक रोजगारीमा रहनुभएका युवाहरुको प्रत्यक्ष संलग्नतामा विभिन्न सेवामूलक कार्यक्रम गर्ने सोच बोकेको यस संस्थाले हालसम्म १३ वटा देशमा संयोजक समेत नियुक्त गरिसकेको छ ।
उक्त सामाग्री खरिदको लागि हाल भारतमा रहनुभएका मुसिकोट नगरपालिका ७ साँखमा नरेश परियारले २० हजार, कतारमा रहनुभएका तुलसीराम बिकले ५ हजार ५५५, बलराम पुनले ५ हजार ५०५, नबिन बिकले ५ हजार एक सय र साउदीमा रहनुभएका भद्रबहादुर बिकले २ हजार ५ सय रकम सहयोग गर्नुभएको थियो ।
त्यसैगरी अफ्रिका सेसल्समा रहनुभएका वडा नम्वर साँखका निरोज प्रकाश गिरी, खड्कराज पुन मगर, चन्द्र बहादुर गिरी, मोहन प्रकाश बिक, सुवास बिक, रेखा बिक, मनोज बिक र वडा नम्वर ८ घोरखानीका अरुण ओलीले ३८ हजार ९६० रुपियाँ सहयोग गर्नुभएको अध्यक्ष पाण्डेले जानकारी दिनुभयो ।
कुवेतमा रहनुभएका साँखकै युवराज परियारले ५ हजार रकम सहयोग गर्नुभएको थियो भने संस्थाले देउसीभैलो खेलेर उठाएको २२ हजार २३८ रकमले उक्त सामाग्रीहरु जुटाईएको थियो ।
बिशेष गरेर स्वास्थ्य, शिक्षा र खेलकुद क्षेत्रमा निश्वार्थ भावले कार्य गर्नेगरी सस्था स्थापना गरेको संस्थाका अध्यक्ष पाण्डले जनाउनुभयो ।
