सोसल मिडिया
काठमाडौं । पछिल्लो समय समाजमा विवाह समारोहमा भोजभतेरका लागि लाखौँ रुपैयाँ खर्च गर्ने प्रचलन बढ्दै गएको पाइन्छ । तर यहि समाजका विचमा पत्रकार लक्ष्मी पौडेल र लेखक नारायण नेपालले भने सामान्य तवरबाट विवाह सम्पन्न गरेका छन । उनिहरुले आफ्नो विवाह खर्च कटाएर विद्यालयमा अक्षयकोष समेत स्थापना गरेका छन् ।
पौडेलले आफूले प्राथमिक शिक्षा अध्ययन गरेको जनता आधारभूत विद्यालय विहादी – ३ पर्वतमा र नेपालले आफ्ना बुबा स्वर्गीय ढुन्डिराज नेपालको पहलमा स्थापना भएको मालिका मावि बेलकोटगढी नगरपालिका – ६ देउराली नुवाकोटमा ५०–५० हजार रुपियाँ बराबरको अक्षयकोष स्थापना गर्ने घोषणा गरेका हुन । उनीहरुको कदमको सहभागी सबैले प्रसंसा गरेका छन् । आफैंले अध्ययन गरेको विद्यालयमा अध्ययनरत विपन्न तथा दलित र असहाय बालबालिकालाई वार्षिक रुपमा छात्रवृत्ति उपलब्ध गराउनका लागि अक्षयकोष स्थापना गरिएको पौडेलले बताउनुभयो ।
एक सचेत युवाले आजको जमानामा भड्किलो विवाह गरेर रुपैयाँ दुरुपयोग गर्न नहुने भन्दै उदाहरणीय कामको सुरुवातका लागि थोरै भए पनि उक्त रकम शिक्षा क्षेत्रमा सहयोग गरेको नारायण नेपालको भनाइ छ।
