सोसल मिडिया
जाजरकोट र रुकुम पश्चिमका भूकम्प पीडितहरुको लागि न्यानो कपडा वितरण गरिएको छ ।
जापानको कुरासिकि गाइगो गाकुइनमा अध्ययनरत बिद्यार्थीहरुको सहयोगमा १ लाख ८८ हजार रुपियाँ बराबरको न्यानो कपडा वितरण गरिएको हो ।
उक्त न्यानो कपडाहरु भूकम्पबाट अति प्रभावित क्षेत्र जाजरकोटको नलगाड नगरपालिका ३ र रुकुम पश्चिमको आठविसकोट नगरपालिका १४ मा हस्तान्तरण गरिएको छ ।
भूकम्प पीडितहरुको लागि सहयोग संकलन अभियान चलाएर संकलित रकमबाट जेष्ठ नागरिकहरुको लागि न्यानो कपडा खरिद गरेर हस्तान्तरण गरिएको अभियान टोलीका बसन्त शर्माले जानकारी दिनुभयो ।
उहाँका अनुसार दुबै क्षेत्रमा बराबरी न्यानो कपडा (पुरुषको लागि ५० पिस ट्रयाकसुट र महिलाको लागि ५० पिस सुइटर) उपलब्ध गराईएको हो । जम्मा दुई सय जेष्ठ नागरिकहरुको लागि न्यानो कपडा उपलब्ध गराईएको हो ।
आठविसकोट नगरपालिका वडा नम्वर १४ का वडा अध्यक्ष हुकुम पुन र नलगाड नगरपालिका वडा नम्वर ३ का वडा अध्यक्ष कौशि बहादुर विष्टको उपस्थितिमा पीडित परिवारलाई न्यानो कपडा बुझाइएको शर्माले बताउनुभयो ।
राहत संकलन अभियानमा रुकुम पश्चिमका बसन्त शर्मा, बिपुल रोका, दिनेश बोहरा , रुपक भण्डारि, बादल केसी, मिलन कार्कि, प्रजोल ढकाल, टंक प्रसाद शर्मा, केभिन कार्कि, पार्वति केसी, भिम लामिछाने, दिलाराम शर्मा, सुगम थापा र प्रजोल जोशी लगायतको मुख्य भुमिका रहेको बताईएको छ ।
