रुकुम पश्चिमको  बाँफिकोट गाउँपालिका –४ छिनखेतस्थित सानीभेरी नदिको किनारबाट उद्धार गरिएका दुई जनामध्ये एक बालकको मृत्यु भएको छ ।

बाँफिकोट गाउँपालिका –२ पिपलका १३ वर्षीय सुभाष विकको मृत्यु भएको प्रहरीले जनाएको छ । जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक धर्मेन्द्र खड्काका अनुसार अचेत अवस्थामा उद्धार गरि जिल्ला अस्पताल सल्ले ल्याईएका बिकको शुक्रबार मृत्यु भएको हो । 

प्रहरीले बिहिबार राती मृतक बिकसँगै बाँफिकोट गाउँपालिका –२ पिपलका १८ वर्षीय डिलु बिकलाई सानीभेरी किनारबाट उद्धार गरेको थियो । घटनाको थप अनुसन्धान गर्न डिलुको उपचार गरेर जिल्ला प्रहरी कार्यालयमा ल्याईएको प्रहरी निरीक्षक खड्काले जानकारी दिनुभयो । 

चिसोले कठ्याङग्रीएर सुभाषको मृत्यु भएको हुन सक्ने प्रहरीको अनुमान छ । मृतकको पोष्टमार्टम भने हुन बाँकी छ ।