सोसल मिडिया
रुकुम पूर्व । बलात्कार मुद्धामा दोषि ठहर भएका रुकुम पूर्वका एक व्यक्ति १० बर्षपछि पक्राउ परेका छन् ।
जिल्लाको सिस्ने गाउँपालिका ८ निवासी ३४ वर्षिय नबिन भनिने गोपाल केसीलाई जिल्ला प्रहरी कार्यालय रुकुम पूर्वले पक्राउ गरेको हो ।
जिल्ला प्रहरी कार्यालय रुकुम पूर्वका सूचना अधिकारी प्रहरी निरीक्षक गणेश पाण्डेका अनुसार केसीलाई बुधबार ललितपुर महानगरपालिका १२ लगनखेलबाट प्रक्राउ गरिएको हो ।
केसी बिरुद्ध रुकुम जिल्ला अदालतले २०७० साल माघ २१ गते जबरजस्ती करणी सम्बन्धी करणी मुद्धामा १२ वर्ष कैद र एक लाख क्षतिपूर्ति भराउने फैसला गरेको थियो ।
त्यसयता फरार रहेका केसीलाई पक्राउ गरेर बिहिबार रुकुमकोट जिल्ला अदालतमा पेश गरिएको हो । अदालतको आदेश अनुसार कैद भुक्तानको लागि केसीलाई रुकुम पश्चिमस्थित कारागार कार्यालयमा चलान गरिएको छ ।
प्रहरी निरीक्षक पाण्डेले फैसला कार्यान्वयनको क्रममा अदालतबाट दोषि ठहर भएका विभिन्न व्यक्तिहरुको खोजी भईरहेको जानकारी दिनुभयो ।
