रुकुम पूर्वको भूमे गाउँपालिका वडा नम्वर ३ को एक घरमा आगलागि भएको छ । स्थानीय ५९ वर्षिय श्यामसर पुनको घरमा आईतबार दिउँसो आगलागी भएको हो । 

पुनको दुई तलाको दुई कोठे खरको छाना भएको घरमा आगलागी भएको हो । जिल्ला प्रहरी कार्यालय रुकुम पूर्वका अनुसार आगलागीबाट करिब पाँच लाख ४२ हजार पाँच सय बराबरको क्षति भएको छ ।

आगलागीबाट घरसँगै घरमा भएको अन्नपात र लत्ताकपडा पूर्ण रुपमा क्षति भएको छ । स्थानीयवासी र प्रहरीको सहायतामा आगो नियन्त्रणमा ल्याईएको थियो । आगलागीबाट कुनै मानविय क्षति भने भएको छैन ।

आगलागीको कारण पत्ता नलागेको र अनुसन्धान भईरहेको प्रहरीको भनाई रहेको छ ।