सोसल मिडिया
रुकुम पश्चिम । संयुक्त एम्बुलेन्स चालक संघ रुकुम पश्चिमको नयाँ कार्यसमिति चयन भएको छ ।
बिहिबार मुसिकोट नगरपालिका १ खलंगामा भएको संघको छैंटौ बार्षिक साधारण सभाबाट कृष्ण कुमार ददेलको नयाँ जिल्ला कार्यसमिति निर्माण भएको हो ।
नवनिर्वाचित संघको उपाध्यक्षमा देवबहादुर बुढाथोकी, सचिवमा विजय बस्याल, सह–सचिवमा बालाराम खत्री र कोषाध्यक्षमा गंगे पुन चयन हुनुभएको छ । त्यसैगरी संघको सदस्यहरुमा सोविराम खड्का, प्रेमप्रकाश पुन, मनविर खत्री, प्रविर विक, पारस कसेरा र टेकबहादुर पुन चयन हुनुभएको छ ।
वार्षिकोत्सवको अवसरमा संयुक्त एम्बुलेन्स चालक संघलाई सहयोग पुर्याउने विभिन्न संघसंस्थालाई संघले सम्मान गरिएको अध्यक्ष ददेलले जानकारी दिनुभयो ।
जिल्ला कार्यसमितिका अध्यक्ष कृष्णकुमार ददेलको अध्यक्षतामा भएको कार्यक्रममा प्रमुख जिल्ला अधिकारी हरि प्रसाद पन्तको प्रमुख आतिथ्यता रहेको थियो । कार्यक्रममा संयुक्त चालक संघका केन्द्रिय अध्यक्ष नवराज लामिछाने, स्वास्थ्य सेवा कार्यालयका स्वास्थ्य सेवा व्यवस्थापक डा. सुसिल पोख्रेल लगायतको आतिथ्यता रहेको थियो । कार्यक्रमको संचालन पत्रकार देवकुमार ओलीले गर्नुभएको थियो ।
