सोसल मिडिया
रुकुम पूर्व । बिहिबार बिहानैदेखि देशभरका विभिन्न स्थानहरुमा पानी परेको छ । हिउँदे वर्षाको कारण हिमाली तथा पहाडि क्षेत्रका विभिन्न भूभागमा हिमपात समेत भएको छ ।
लुम्बिनी प्रदेशको एक मात्र हिमाली जिल्ला रुकुमपूर्वमा पनि बाक्लो हिमपात भएको छ । जिल्लाको सबैभन्दा दुर्गम क्षेत्र मानिने पुथा उत्तरगंगा गाउँपालिकाको वडा नम्वर १ मैकोट गाउँ हिउँले सेताम्मे भएको छ ।
हिउँपरेपछि चिसो बढेपनि स्थानीयहरु खुशि भएका छन् । हिउँदे बाली गहुँ र जौ सप्रने भन्दै किसानहरु खुशि भएको मैकोट गाउँका आशिष घर्ती मगरले जानकारी दिनुभयो । उहाँका अनुसार हिमपात गहुँ र जौ खेतीका लागि मल सरह भएको मानिन्छ ।
हिमपातपछि यहाँका बालबालिका र बृद्धबृद्धाहरुको जनजीवन कष्टकर बनेको छ । बिहानै देखि परेको हिउँको कारण बालबालिकाहरु बिद्यालय जान सकिरहेका छैनन् ।
मैकोट गाउँ र आसपास क्षेत्रमा हिउँ परेर सेताम्मे भएपछिको दृश्य यहाँ प्रस्तुत गरिएको छ । यी दृश्यहरु हामीलाई पुथा हिमालय माविका शिक्षक चिरञ्जीवी मल्लले उपलब्ध गराउनुभएको हो ।
भिडियो :
तस्बिरहरु :
