सोसल मिडिया
सुर्खेत / दैलेखबाट सुर्खेत आउँदै गरेको बस वीरेन्द्रनगरको लादेमा दुर्घटना हुँदा दुई जनाको मृत्यु भएको छ । दुर्घटनामा गम्भीर घाइते भएका दुई जनाको उपचारका क्रममा कर्णाली प्रदेश अस्पताल सुर्खेतमा मृत्यु भएको हो ।
दैलेखको बेस्तडाबाट सुर्खेत आउँदै गरेको कर्णाली प्रदेश ०२–००१ ख ०१६६ नम्बरको देउती नागरिक यातायातको मिनिबस शनिबार दिउँसो लादेमा अनियन्त्रित भएर दुर्घटनाग्रस्त भएको हो ।
जिल्ला प्रहरी कार्यालय सुर्खेतका अनुसार मृत्यु हुनेमा दैलेखको नारायण नगरपालिका ११ का युवा शुशिल राउत र दैलेखकै भगवती गाउँपालिका १ की ३४ वर्षीया शान्ता आचार्य रहेकी छन् । गम्भीर घाइते उनीहरुको अस्पतालमा उपचारको क्रममा मृत्यु भएको प्रहरीले जनाएको छ ।
घाइतेमध्ये एक जनाको अवस्था गम्भीर छ । सामान्य घाइते ७ जनाको प्रदेश अस्पताल, देउती र माया नर्सिङ होममा उपचार भइरहेको छ । बस दुर्घटनापछि फरार रहेका चालकको खोजी भइरहेको प्रहरीले जनाएको छ ।
बस चालकले नभई साहुले चलाउँदा दुर्घटना भएको यात्रुहरुले बताएका छन् । बस चालक भने फरार रहेका छन् ।
